Braziliyalı futbolçu Kafu RB Sport-a müsahibəsində rusları və braziliyalıları qardaş xalqlar hesab etdiyini bildirib.
Onun sözlərinə görə, hər iki xalqın nümayəndələrini spirtli içkilərə olan sevgi birləşdirir.
“Biz həqiqətən qardaş xalqıq. Bizim oxşar cəhətlərimiz var – məsələn, biz şən və çoxlu spirtli içki qəbul edirik. Eyni zamanda, braziliyalılar ruslardan qat-qat çox içirlər”, – Kafu bildirib.
Kafu ikiqat dünya çempionudur. Kafu Avropada İspaniyanın “Saraqosa”, İtaliyanın “Roma” və “Milan” klublarında çıxış edib. 1994/95 mövsümündə “Saraqoza” ilə Kuboklar Kubokunu qazanıb. “Milan”la birlikdə 2006/07 mövsümündə Çempionlar Liqasının qalibi olub.
Mənbə: Sports.ru