Ədliyyə naziri Fərid Əhmədov iyulun 18-də Quba şəhərində vətəndaşlarla görüş keçirib.
Doğru.az xəbər verir ki, görüşdən əvvəl nazir Ümummilli Lider Heydər Əliyevin abidəsini ziyarət edib, önünə gül dəstəsi qoyub.
Qəbul zamanı Quba, Qusar, Xaçmaz, Şabran, Siyəzən və Xızı rayon sakinlərinin ədliyyə sahəsi ilə bağlı müraciətləri dinlənilib. Qaldırılan məsələlərin bir qismi yerindəcə həll olunub, əlavə araşdırma tələb edən müraciətlər üzrə isə Ədliyyə Nazirliyinin aidiyyəti struktur rəhbərlərinə qanunvericiliyə uyğun araşdırma aparılması tapşırılıb.
Qeyd edək ki, qəbul vətəndaşların regional səviyyədə müraciət imkanlarının artırılması məqsədilə aidiyyəti dövlət qurumlarının rəhbərlərinin bölgələrə səfərləri çərçivəsində baş tutub.
DOĞRU.AZ
