Lerik Rayon İcra Hakimiyyətinin başçısı Əkbər Abbasovun rəhbərliyi ilə 14 may 2025-ci il tarixində Lerik rayonunun ən ucqar dağ kəndi olan Orandda səyyar qəbul keçirilib. Qəbulda rayon icra hakimiyyəti başçısı aparatının məsul əməkdaşları, hüquq-mühafizə orqanlarının və əlaqədar təşkilatların rəhbərləri iştirak ediblər.
Doğru.az xəbər verir ki, səyyar qəbul zamanı kənd sakinlərinin gündəmdə olan müxtəlif sosial və infrastruktur problemləri dinlənilib, qaldırılan məsələlərin həlli istiqamətində konkret tapşırıqlar verilib. Qurumlar qarşısında məsuliyyət qoyulub ki, səsləndirilən hər bir problemin operativ və səmərəli şəkildə həlli təmin olunsun.
Dağlar qoynunda yerləşən Orand kəndində belə bir görüşün təşkili dövlətin ən ucqar nöqtələrdə belə vətəndaşlarla birbaşa ünsiyyətə verdiyi önəmin bariz nümunəsidir.
DOĞRU.AZ
