Fransa təyyarədaşıyan “Şarl de Qoll”u NATO komandanlığına verib.
Bu barədə “Europe 1” radiostansiyası məlumat yayıb.
Bu, ilk belə haldır. Təyyarədaşıyan bütün müşayiət edən gəmiləri, o cümlədən nüvə sualtı qayığı ilə birlikdə NATO-ya təhvil verilib.
Eyni zamanda, Fransanın vitse-admiralı Didye Maleter vurğulayıb ki, gəminin NATO komandanlığı altında bu cür müvəqqəti təhvil verilməsi Fransanın strateji muxtariyyətini itirməsi demək deyil, çünki gəmi istənilən vaxt milli komandanlığa qaytarıla bilər.
Aprelin 26-da gəmi digər Amerika, Yunanıstan, İspaniya və Portuqaliya gəmiləri ilə birlikdə on beş günlük missiya ilə Aralıq dənizinə yola düşəcək.
Mənbə: A Haber