Fransanın baş naziri Qabriel Attal iyulun 8-i səhər saatlarında ölkədə keçirilən parlament seçkilərinin ikinci turunun nəticələrinə görə ölkənin Nazirlər Kabinetinin rəhbəri vəzifəsindən istefa verəcəyini açıqlayıb.
Bu barədə RİA Novosti yazır.
Hökumət başçısının sözlərinə görə, onun partiyası Fransa parlamentinə keçirilən seçkilərin birinci turu ilə müqayisədə daha uğurlu çıxış edib, lakin bu, mandatların əksəriyyətini qazanmaq üçün kifayət etməyib.
“Respublika ənənələrinə və prinsiplərimə sadiq qalaraq, sabah səhər istefa ərizəmi respublika prezidentinə təqdim edəcəyəm”, – Attal bildirib.
Bundan əvvəl solçu partiyaların Yeni Xalq Cəbhəsi koalisiyasının lideri Jan-Lyuk Melenşon Makronu seçkilərdəki məğlubiyyətini etiraf etməyə çağırıb.
DOĞRU.AZ
