“Neftçi”nin əvəzedici komandasının futbolçusu İbrahim Qədirzadə karyerasını Gürcüstanda davam etdirəcək.
Doğru.az xəbər verir ki, o, “Samtredia”ya transfer olunub. Bu barədə klubun mətbuat xidməti məlumat yayıb. 21 yaşlı müdafiəçi ilə imzalanan müqavilənin detalları açıqlanmayıb.
Qeyd edək ki, ötən ilin sonuna qədər Azərbaycanın daha bir futbolçusu – Nicat Qurbanov da “Samtredia”da çıxış edirdi. Qış transfer pəncərəsi zamanı isə o, “Keşlə”yə keçib.
