Türkiyənin xarici işlər naziri Hakan Fidan Ukraynada sülh prosesinin irəliləməsi ilə bağlı nikbin fikirlər səsləndirib.
Doğru.az xəbər verir ki, TASS-ın yaydığı məlumata görə, Fidan birbaşa danışıqların davam etməsinin vacibliyini vurğulayaraq bildirib: “Danışıqlar davam edərsə, tunelin sonunda işıq görünəcək”.
Xatırladaq ki, daha əvvəl Türkiyə prezidenti Rəcəb Tayyib Ərdoğan Rusiya lideri Vladimir Putin və ABŞ-ın sabiq prezidenti Donald Trampla telefon danışığı zamanı onların İstanbulda görüşə biləcəklərini müzakirə etməyi planlaşdırdığını açıqlamışdı.
Rusiya prezidenti Vladimir Putin isə Zelenski ilə mümkün görüşün yalnız danışıqların son mərhələsində – konkret nəticələr əldə olunacağı təqdirdə baş tutacağını bildirmişdi.
DOĞRU.AZ
