Fələstinin HƏMAS radikal hərəkatı vasitəçilərə Qəzza zolağında saxlanılan bütün israilli girovların vəziyyəti ilə bağlı ətraflı hesabat təqdim edəcəyinə söz verib.
Əl-Ərəbiyyə telekanalının məlumatına görə, hərəkat üzvləri “əvvəlcə razılaşdırılandan daha çox girovun azad edilməsinə” ilkin razılıq veriblər.
“Telekanal mümkün razılaşma çərçivəsində vətənlərinə qayıda biləcək israillilərin dəqiq sayını təqdim etmir”, – TASS xəbər verir.
Bir gün əvvəl İsrail ordusu Qəzzanın şimalında yerləşən xəstəxanada HƏMAS-ın komanda mərkəzinə zərbələr endirib.
Bildirilib ki, Həmas Qəzzada atəşkəslə bağlı məsləhətləşmələr aparmaq üçün Qahirəyə nümayəndə heyəti göndərib.
DOĞRU.AZ
