Yəmənin Ənsar Allah hərəkatının tərəfdarları Təl-Əviv və Aşkelon bölgəsindəki hərbi hədəflərə pilotsuz uçuş aparatları vasitəsilə hücum ediblər.
Bu barədə qiyamçıların hərbi sözçüsü Yəhya Sarı məlumat verib.
Onun sözlərinə görə, İsrailə qarşı ilk əməliyyat zamanı PUA-dan istifadə edərək Aşkelondakı “İsrail düşməninin hərbi hədəfinə” hücum ediblər.
“İşğal edilmiş Yaffa bölgəsində İsrail düşməninin hərbi hədəfinə qarşı pilotsuz uçan aparatdan istifadə etməklə növbəti əməliyyat keçirilib”, – TASS onun sözlərindən sitat gətirib.
Bundan əvvəl İsrailin baş naziri Binyamin Netanyahu müdafiə naziri İsrael Katz ilə birlikdə ölkənin müdafiə ordusunu (IDF) Yəməndəki husilərin strateji hədəflərinə hücum etməyə çağırıb.
DOĞRU.AZ
