Rayon icra hakimiyyətinin başçısı Cəngəmiran, Şingədulan, Əliabad, Gürdəsər və Günəşli kəndlərində olub.
Lerik Rayon İcra Hakimiyyətinin başçısı Əkbər Abbasov sakinləri narahat edən problemlərlə yerində tanış olmaq üçün rayonun bir neçə kəndində olub, kənd sakinləri ilə görüşüb.
Rayon rəhbəri Cəngəmiran kəndində tam orta məktəbində və körpələr evi-uşaq bağçasında mövcud şəraitlə, Gürdəsər kəndində kənd sakinlərinin maliyyə dəstəyi ilə kənddə aparılan abadlıq-quruculuq işləri ilə yerində tanış olub.
Kəndlərdə ağsaqqallar ilə görüşən rayon icra hakimiyyətinin başçısı onlarla səmimi söhbət etmiş və problemlərin həlli ilə bağlı fikir mübadiləsi aparıb.