Mayın 29-da iqtisadiyyat nazirinin birinci müavini Elnur Əliyev Lənkəran şəhəri, Lerik və Astara rayonlarından olan vətəndaşlarla görüşəcək.
Nazirlikdən Doğru.az-a bildirilib ki, görüş saat 11:00-dan etibarən Lerik şəhəri, Arzuman Əsədullayev küçəsi 22 ünvanında Lerik rayon Mədəniyyət Mərkəzinin inzibati binasında keçiriləcək.
Görüşə gəlmək istəyən vətəndaşlar İqtisadiyyat Nazirliyinin rəsmi internet səhifəsində qeydiyyatdan keçməklə və ya “195-1” Çağrı Mərkəzinə zəng etməklə nazirliyin fəaliyyət istiqamətlərinə dair məsələlərlə bağlı müraciət edə bilərlər.
DOĞRU.AZ
