Onun ofisi bildirib ki, pilotsuz təyyarə səhər saatlarında Livandan İsrailin baş naziri Benyamin Netanyahunun sahilyanı Qeysəriyyə şəhərindəki iqamətgahına doğru atılıb; hadisə zamanı evdə heç kim olmayıb.
“The Times of Israel” yazır ki , “Baş nazir Benyamin Netanyahu və həyat yoldaşı Sarah hücum zamanı evdə olmayıblar və insident nəticəsində ölən olmayıb”.
İsrail baş nazirinin ofisi əlavə edib ki, Tel-Əviv ərazisində daha iki pilotsuz təyyarə hava hücumundan müdafiə sistemləri tərəfindən vurulub.
Oktyabrın 18-də İDF bir qrup silahlı şəxsin İordaniyadan İsrailə Ölü Dəniz bölgəsinə sızdığını , onlardan ikisinin İsrail hərbçiləri tərəfindən zərərsizləşdirildiyini bildirib.
DOĞRU.AZ
