İsrail Fələstinin Həmas hərəkatının girovları azad etməyə hazır olması ilə bağlı açıqlamasını “təbliğat manevri” kimi qiymətləndirib.
Doğru.az xəbər verir ki, İsrailin baş naziri Binyamin Netanyahunun ofisinin bəyanatında bildirilir:
“Təəssüf ki, bu, HƏMAS-ın növbəti təbliğat addımıdır və yeni heç nə ehtiva etmir. Müharibə dərhal başa çata bilər, ancaq yalnız Nazirlər Kabinetinin təsdiq etdiyi şərtlərlə”.
İsrailin şərtlərinə bütün girovların azad edilməsi, HƏMAS-ın tərksilah olunması, Qəzza zolağının demilitarizasiyası, bölgədə təhlükəsizliyə İsrailin nəzarəti və alternativ mülki hökumətin yaradılması daxildir.
Xatırladaq ki, bundan əvvəl Netanyahu HƏMAS-ın məğlubiyyətini sürətləndirmək üçün Qəzza zolağının ələ keçirilməsi əməliyyatının müddətini qısaltmağı əmr etmişdi.
DOĞRU.AZ
