İsrail təhlükəsizlik qüvvələri İordan çayının qərb sahilində Cenin şəhəri yaxınlığında keçirdiyi əməliyyat zamanı döyüşlər və hava zərbələri nəticəsində 11 radikalı məhv edib.
Doğru.az xəbər verir ki, bu barədə İDF-nin mətbuat xidməti məlumat yayıb.
“Əməliyyat zamanı Hərbi Hava Qüvvələri Cenin bölgəsində 4 silahlı terrorçuya hücum edərək məhv edib. Əsgərlər həmçinin atışmada 7 terrorçunu məhv ediblər”, – deyə məlumatda bildirilir.
Bundan əvvəl İsrail Müdafiə Qüvvələrinin bölmələri Livanın cənubunda şiə Hizbullah hərəkatının elit Radvan xüsusi təyinatlılarının komandiri Əli Camal əd-Din Cavadını məhv edib.
DOĞRU.AZ
