İsrail ordusu Qəzza şəhərini rəsmi olaraq “təhlükəli döyüş bölgəsi” elan edib. Ordu rəhbərliyi bölgədə gündəlik həyata keçirilən “hərbi əməliyyatlarda taktiki fasilələrin” aradan qaldırıldığını açıqlayıb.
Doğru.az xəbər verir ki, İsrail Müdafiə Qüvvələrinin (İDF) mətbuat katibi avqustun 29-u saat 10:00-dan etibarən “yerli taktiki fasilələrin Qəzza şəhəri ərazisinə şamil olunmayacağını” bildirib.
Eyni zamanda, İDF humanitar səylərin dəstəklənəcəyini də qeyd edib.
Xatırladaq ki, bundan öncə İranın Rusiyadakı səfiri Kazem Cəlali İsrailin Qəzza şəhərini ələ keçirmək üçün planlaşdırdığı əməliyyatı “böyük cinayət” adlandırmışdı.
DOĞRU.AZ
