Tailand və Kamboca arasında sərhəddə gərginlik davam edir.
Doğru.az xəbər verir ki, Kamboca Milli Müdafiə Nazirliyinin sözçüsü, general-leytenant Mali Socheat bu gün sərhəd bölgəsində hərbi qarşıdurmanın artdığını bildirib.
Onun sözlərinə görə, hər iki ölkənin ordusu bir-birinin mövqelərini ağır artilleriya ilə atəşə tutur:
“Hər iki ordu bir-birinin mövqelərini atəşə tutmaq üçün ağır artilleriyadan istifadə etməyə davam etdi”, – deyə TASS Socheat-ın sözlərini sitat gətirib.
Socheat qeyd edib ki, Kamboca ordusu bütün cəbhə xətti boyunca mövqelərinə nəzarəti saxlayır və təcavüzkarlara qarşı qətiyyətlə cavab verir.
O həmçinin əlavə edib ki, iyulun 24-də Tailand tərəfi ağır silahlardan və F-16 qırıcı təyyarələrindən istifadə etməklə Kambocada səkkiz strateji hədəfə zərbə endirib.
Mövcud vəziyyətlə bağlı BMT Təhlükəsizlik Şurasının iyulun 25-də fövqəladə iclas keçirəcəyi gözlənilir.
DOĞRU.AZ
