Məşhur reper Elşad Xose inzibati qaydada həbs olunub.
Doğru.az xəbər verir ki, “Qaynarinfo”ya istinadən bildirir ki, 1979-cu il təvəllüdlü Əliyev Elşad Nazim oğlu İnzibati Xətalar Məcəlləsinin 510 və 535.1-ci maddələri ilə təqsirli bilinərək 15 gün müddətinə həbs olunub.
Həbsə səbəb Yasamal rayonu, Ş.Qurbanov küçəsində reperin ünvansız nalayiq ifadələr işlətməsi olub.
Elşad Xose həbsdən azad olunması üçün Bakı Apellyasiya Məhkəməsinə müraciət edib. Məhkəmədə o, ailəli olduğunu, ictimai xadim statusunu və müalicə aldığını qeyd edərək köməklik istəsə də, apellyasiya şikayəti təmin edilməyib və inzibati xəta barədə qərar qüvvədə saxlanılıb.
DOĞRU.AZ
