Futzal üzrə Azərbaycan milli komandası Avropa çempionatının seçmə mərhələsində ardıcıl 2 oyundur qalib gəlir. Üstələdiyimiz rəqiblərdən biri qrupun favorisi Slovakiya, digəri isə Yunanıstan millisidir. Hazırda qrupda 2 oyuna 5 xal toplayan Azərbaycanın aktivində 7 qol var. Bu uğurun pərdəarxası məqamları var.
Əvvəla, hər bir qələbənin özülü hazırlıq zamanı qoyulur. Pandemiya səbəbindən qapalı məkanlarda idman məşqlərinin keçirilməsinə qoyulan qadağa futzala da aid idi. AFFA-nın Operativ Qərargaha bununla bağlı etdiyi müraciət və xüsusi icazənin alınması vacib amil oldu. Komanda qısa müddətdə hazırlıq keçdi, amma yaxşı alındı. 2 oyuna 2 qələbə ilə liderliyi ələ keçirdik.
AFFA-nın “məktəbli kuboku” layihəsi də futbolun kütləviləşməsi ilə yanaşı futzalın inkişafına da təkan oldu. Qısası, yaradılan yüksək şəraitin haqqını futzalçılar meydanda verirlər. Ardı gəlsin.