İsrailin baş naziri Benyamin Netanyahunun ofisinin müşaviri Dmitri Gendelman hökumətin bəyanatına istinadən bildirir ki, İsrail nüvə və raket sahəsində təhlükəni aradan qaldıraraq İrana qarşı hərbi əməliyyatın bütün məqsədlərinə nail olub.
O, Netanyahunun müdafiə naziri, Baş Qərargah rəisi və Mossad rəhbərinin iştirakı ilə təhlükəsizlik kabinetinin iclasındakı bəyanatına istinad edərək, “İsrail nəinki əməliyyatın bütün məqsədlərinə nail oldu, həm də onları üstələyib” deyə öz Telegram kanalında yazıb.
Hökumət İsrailin “təcili mövcud olan ikili təhlükəni” – nüvə və ballistik raketi aradan qaldırdığını qiymətləndirdi.
Bundan əlavə, İsrail Müdafiə Qüvvələrinin (IDF) Tehranın hava məkanına tam nəzarəti bərqərar etdiyi, İranın ali hərbi komandanlığına “dağıdıcı zərbə” vurduğu və İslam Respublikasının “onlarla əsas dövlət infrastruktur obyektini” məhv etdiyi bildirilir.
Bundan əvvəl ABŞ prezidenti Donald Tramp İran və İsrail arasında atəşkəsin qüvvəyə mindiyini açıqlamışdı.
DOĞRU.AZ
