Macarıstanın Avropa İttifaqından çıxması nəzəri baxımdan mümkün olsa da, hazırda üzvlük daha sərfəlidir.
Doğru.az xəbər verir ki, bu barədə Macarıstanın Baş naziri Viktor Orban “Ultrahang” internet portalına verdiyi müsahibədə danışıb. O qeyd edib ki, əgər Budapeşt Aİ-yə üzvlüyün mənasını itirdiyini görsə, səssiz qalmayacaq.
“Bu gün Macarıstan üçün Avropa İttifaqının tərkibində qalmaq və onu tərk etməkdənsə, daxildən dəyişiklik üçün mübarizə aparmaq daha sərfəlidir”, – deyə Orban “RIA Novosti”yə istinadən bildirib.
Həmçinin o, Aİ-nin Ukraynadan istifadə edərək Rusiyaya qalib gəlmək planının uğursuzluğa məhkum olduğunu deyərək, bu yanaşmanı “dəli ideya” adlandırıb.
DOĞRU.AZ
