Macarıstanın baş naziri Viktor Orban Rusiya prezidenti Vladimir Putinlə görüşdən sonra Avropa Şurasının rəhbəri Şarl Mişel və Avropa İttifaqı liderlərinə məktub göndərib.
Bu barədə Ukraynanın “Avropa həqiqəti” nəşri sənədin mətninə istinadən yazır.
Məktubda Orban iqtisadi tərəqqi üçün Avropada sülhə ehtiyac olduğunu müzakirə edir. Bundan əlavə, o, Putinin Ukraynadakı vəziyyətə münasibətinin “prezident Zelenskinin şərhindən əhəmiyyətli dərəcədə fərqli olduğunu” bildirir.
Macarıstanın baş naziri həmçinin yazır ki, Rusiya “yalnız 2022-ci ilin aprelində İstanbulda danışıqlar zamanı müəyyən edilmiş şərtlərlə razılaşmağa” hazırdır, həmçinin Çin və Braziliyanın sülh təklifləri ilə bağlı “fikir mübadiləsi aparmağa” hazırdır.
Macarıstanın baş naziri Rusiyaya səfər edib və iyulun 5-də Vladimir Putinlə danışıqlar aparıb.
Bundan əvvəl Orban bildirib ki, Çin, ABŞ və Avropa İttifaqı Ukraynadakı münaqişənin həllində həlledici təsirə malik ola bilər.
Mənbə AP
