image-2000x150px
image-_ena_107b8a616ed47205a965f9ac7_obackend

Prezident Hikmət Mirzəyevlə Zaur Məmmədovu da mükafatlandırdı

image-728x90px

Prezident İlham Əliyev bu gün Azərbaycan Xüsusi təyinatlı qüvvələrinin komandanı, general-leytenant Hikmət Mirzəyev və Şuşanın ilk komendantı, general-mayor Zaur Cavanşiri (Məmmədov) mükafatlandırıb.

Doğru.az xəbər verir ki, hər iki general “Xocavəndin azad olunmasına görə” medalı ilə təltif edilib.

Komandan Hikmət Mirzəyev müasir hərb tariximizin ən önəmli simalarından biridir.

O, Biləsuvar rayonunda doğulub. “Aprel döyüşləri” və Vətən Müharibəsində aparılan hərbi əməliyyatların rəhbərlərindəndir. Ali Baş Komandan İlham Əliyev Vətən müharibəsi vaxtı – ötən il oktyabrın 17-də ona general-leytenant ali hərbi rütbəsi verib. H.Mirzəyev Kəlbəcər, Şuşa, Qubadlı, Füzuli və Cəbrayılın azad edilməsinə görə medalları ilə təltif olunub, “Vətən Müharibəsi Qəhrəmanı” adına layiq görülüb.

Vətən Müharibəsi qələbəsinə həsr edilən Zəfər paradında üç kolondan ibarət Xüsusi Təyinatlı Qüvvələrin parad heyətinə də komandan Hikmət Mirzəyev rəhbərlik edib.

XTQ komandanlarından biri, Cavanşirlər sülaləsindən olub Pənahəli xan nəslinin nümayəndəsi, “Zəfər paradı”nda meydanda “Zəfər bayrağı”nı daşıyan Zaur Məmmədov dekabrın 7-də general-mayor rütbəsi alıb.

Zaur Məmmədov qələbənin qazanılmasında müstəsna xidmətləri olan hərbi hissələrin döyüş bayraqlarını Azadlıq meydanına gətirən döyüş bayraqdarları qrupuna başçılıq edib.

Z.Məmmədov “Vətən Müharibəsi Qəhrəmanı” adına layiq görülüb, Şuşanın və Füzulinin azad edilməsinə görə də mükafatlandırılıb.

DOĞRU.AZ

image-728x90px

  • whatsapp
  • messenger
  • telegram
  • vkontakte
  • odnoklassniki