Doğru.az sport.pl-ə istinadən xəbər verir ki, Polşa prezidenti Andjey Duda, milli komandanın kapitanını müxtəlif sahələrdə görkəmli uğurlarına görə verilən Polşa İntibahı Ordeninin Komandir Xaçı ilə mükafatlandırıb.

“İdman sahəsində milli qəhrəmanımız, ancaq sadəcə bu, deyil. Polşanı mükəmməl təmsil edirsiniz, həmişə mənşəyinizi vurğulayırsınız. Çox sağ olun” – deyə prezident mərasimdə Levandovskiyə bildirib. 32 yaşlı oyunçu isə bu mükafatı aldığı üçün çox məmnun olduğunu vurğulayıb: “Bu, böyük şərəfdir. Futbol fərdi yox, komanda idman növüdür. Qazandığım hər şey məşqçilər, işçilər və ailə tərəfindən mümkün oldu”.