Rusiya Prezidenti Vladimir Putin Azərbaycanla münasibətlərə dair açıqlama verib. O bildirib ki, iki ölkə arasında müəyyən problemlər mövcuddur, lakin onların aradan qalxacağına ümid edir.
Doğru.az xəbər verir ki, Putinin sözlərinə görə, dövlətlər arasında münasibətlərdə bəzən siyasi vəziyyətə görə suallar yaranır:
“Problemlər var… amma inanıram ki, Azərbaycanla Rusiya arasında fundamental münasibətlər və onların inkişafına qarşılıqlı maraq sonda hər şeyi öz yerinə qoyacaq”.
Putin həmçinin Çində Azərbaycan Prezidenti İlham Əliyev və birinci xanım Mehriban Əliyeva ilə qısa söhbət etdiyini qeyd edib. Kremlin açıqlamasına görə, liderlər Pekində bir-birlərini salamlasalar da, onların arasında əsaslı ünsiyyət olmayıb.
DOĞRU.AZ
