Doğru.az xəbər verir ki, Bakıda bərbərxanada qadına qarşı zorakılıq hərəkətləri edən polis əməkdaşı ilə bağlı Daxili İşlər Nazirliyi tərəfindən araşdırma aparılıb. Sosial şəbəkələrdə yayılan həmin görüntülərə qarşı bağlı Daxili İşlər Nazirliyinin reaksiyası sərt olub.
Yekun olaraq fakt təsdiqini tapıb. Qapalı məkanda tibbi maskadan istifadə etməyən xanıma qarşı kobudluq edən şəxsin Yasamal Rayon Polis İdarəsinin 27-ci Polis Bölməsinin sahə müvəkkili Qubadov Camal Qubad oğlu olduğu müəyyən edilib. Camal Qubadov polis adına yaraşmayan hərəkətlərə yol verdiyinə görə tutduğu vəzifədən azad edilib.