image-2000x150px
image-123
image-ads_atlas
image-media-522acb54-ac91-4904-81bf-ddd91044719b-lxo8vse5wrgu2fmkbct3-300x225backend

Qarabağı, Zəngəzuru yenidən qururuq

image-728x90px

Hər zaman qeyd etdiyimiz kimi, keçirilən beynəlxalq tədbirlər həm mahiyyəti, həm də keçirildiyi məkan baxımından xüsusi diqqət şəkir. Bu baxımdan mayın 3-də ADA Universitetinin təşkilatşılığı ilə Şuşada Ümummilli Lider Heydər Əliyevin anadan olmasının 100 illik yubileyinə həsr edilən “Böyük Avrasiya geosiyasətinin formalaşması: keçmişdən bu günə və gələcəyə” mövzusunda dördüncü beynəlxalq konfrans da əhəmiyyətli oldu. Konfransın mövzusundan da göründüyü kimi, keçmişdən bu günə nəzər salınaraq hazırda Azərbaycanın tarixi Zəfərinin reallıqları fonunda dünya siyasətində baş verən dəyişikliklər, ölkəmizin sülh gündəliyinin və yeni əməkdaşlıq formatlarının müəllifi kimi artan nüfuzu geniş təhlil edildi. Tarixi Zəfərimizin reallıqlarının qarşıya qoyduğu əsas hədəflərdən biri bölgədə davamlı sülhün və təhlükəsizliyin təmin edilməsidir. Azərbaycan möhtəşəm Qələbəmizdən dərhal sonra Ermənistanla münasibətlərdə yeni səhifə açmaq, bölgədə sülhün və təhlükəsizliyin təmin edilməsi üçün qarşı tərəfə sülh təklifini etdi. Ermənistanın həmin təklifdən iki ildən çox vaxt keçməsinə  baxmayaraq hələ də konkret addım atmaq barədə düşünməməsi diqqətdən kənarda qala bilməz. Dövlət başçısı bütün çıxışlarında, o cümlədən sözügedən konfransda ona ünvanlanan suallara cavabında da bu məqama xüsusi diqqət yönəltdi. “Mən dəfələrlə bu məsələyə dair fikrimi bildirmişəm. Demişəm ki, əgər Ermənistan sülh istəmirsə sülh olmayacaq. Tarixdən bilirik ki, sülh sazişini imzalamayan ölkələr də var. Bu, nə Ermənistan, nə də region üçün yaxşı olmayacaq. Əlbəttə ki, Azərbaycan üçün də yaxşı olmayacaq. Buna görə də biz hələ də ümid edirik ki, onlar məntiqli davranacaqlar, sabiq Minsk qrupu fəaliyyətdə olanda işğal zamanı istifadə etdikləri taktikadan istifadə etməyəcəklər” söyləyən dövlət başçısı İlham Əliyev, eyni zamanda, onların konstruktivliyinə ümid etdiyini də bildirdi.  Əgər onlar konstruktiv olmasalar, diplomatik tədbirlərdən başqa hər hansı bir digər tədbirlərə əl atmağı planlaşdırmırıq. Bu qədəri bizə bəsdir. Buna görə, sadəcə, sülh olmayacaq, kommunikasiyalar açılmayacaq: “Onlar yenə də təcrid olunacaqlar və onlar bu yeni geosiyasi konfiqurasiyada özlərinə yer tapmalı olacaqlar. Çünki bütün geosiyasi vəziyyət, – söhbət təkcə regiondan deyil, qlobal vəziyyətdən gedir, – dəyişib. Bizim orada öz yerimiz var. Bu yer çox sabitdir və getdikcə daha da möhkəmlənir. Lakin onlar üçün bu, böyük çağırış olacaqdır. Ümid edirəm ki, Vaşinqton danışıqları hətta nəticə verməsə belə, biz tərəqqinin əlamətlərini görə biləcəyik.” O da məlumdur ki, Şuşada təşkil edilən beynəlxalq konfransla paralel olaraq, ABŞ-da Azərbaycan və Ermənistanın xarici işlər nazirlərinin görüşü keçirilirdi. Ölkəmizin məqsədi ABŞ-ın Virciniya ştatının Arlinqton şəhərində keçirilən görüşdən konkret nəticələr əldə etmək idi. Bu da Ermənistan və region üçün faydalı ola biləcək məqamları özündə əks etdirir. Görüşlərin nəticələrinə dair bəyanatlar onu deməyə əsas verir ki, bir sıra müddəalar üzrə razılıqlar əldə olunub. Bu istiqamətdə görüşlərin davam etdirilməsi və digər məsələlər üzrə danışıqların aparılması barədə razılıq əldə edilib. İndi əsas məsələ növbəti görüşdən sonra Ermənistanın mövqeyində ciddi dəyişikliyin olub-olmamasıdır. Azərbaycan qarşıya qoyduğu hər bir hədəfə zamanında və yüksək səviyyədə nail olur. Ölkəmiz qarşı tərəfə sülh təklifini edərkən bu bəyanatı da səsləndirmişdir ki, uzun müddət masa üzərində qalmayacaq. Ermənistana qarşı atılan bu addım son şansıdır. Azərbaycanın ədalətə və beynəlxalq hüquqa əsaslanan mövqeyi, bütün sahələrdə gücü, qüdrəti, ən əsası müstəqil siyasəti gələcəyə doğru inamla addımlamasında əhəmiyyətli rol oynayır. Dövlət başçısı İlham Əliyev mayın 10-da Şuşadan müraciətində də Azərbaycanın davamlı uğurlarından və gələcəyə yönələn hədəflərdən geniş bəhs etdi. “Bu gün, sözün əsl mənasında, müstəqil xarici və daxili siyasət apara bilən ölkələrin sayı dünyada çox məhduddur” söyləyən cənab İlham Əliyev böyük qürur hissi ilə bildirdi: “Azərbaycan o ölkələrdəndir ki, heç bir kənar qüvvə bizim iradəmizə təsir edə bilməz. Çünki güclü iradəmiz var, güclü ordumuz var və eyni zamanda, güclü imkanlarımız var. Maliyyə resurslarımız, maddi vəziyyətimiz imkan verir ki, biz ancaq öz daxili resurslarımız hesabına yaşayaq və yaşayırıq, daxili resurslar hesabına Qarabağı yenidən qururuq, Zəngəzuru yenidən qururuq.”

 

Nihad Pənahov

YAP Tovuz rayon təşkilatının sədri

DOĞRU.AZ

image-nerjbanner

  • whatsapp
  • messenger
  • telegram
  • vkontakte
  • odnoklassniki