Rusiya Hərbi-Texniki Əməkdaşlıq üzrə Federal Xidmətin (FSVTS) direktoru Dmitri Şuqayev bildirib ki, Rusiya və Hindistan 2025-ci ildə aviasiya sektorunda bir neçə iri müqavilə imzalayıb.
Doğru.az xəbər verir ki, Şuqayev bu barədə RİA Novosti-yə açıqlamasında deyib: “Bir neçə iri müqavilə imzalanıb. Bunlar aviasiya mövzularına aiddir”.
Daha əvvəl Military Watch Magazine qeyd etmişdi ki, Rusiyanın etibarlı tərəfdaş imici Hindistanı Amerikanın beşinci nəsil F-35 qırıcılarından imtina edib, Rusiya Su-57-ni seçməyə sövq edə bilər.
Fevral ayında “Rosoboroneksport”un baş direktoru Aleksandr Mixeyev bildirib ki, Moskva Hindistana Su-57E beşinci nəsil qırıcı layihəsi üzrə, o cümlədən birgə istehsal üçün tam əməkdaşlıq təklif etməyə hazırdır.
DOĞRU.AZ
