Zaqatalada 56 yaşlı kişi bədbəxt hadisə nəticəsində dünyasını dəyişib.
APA-nın məlumatına görə, hadisə səhər saatlarında rayonun Mamrux kəndində baş verib.
İlkin məlumata görə, Rusiya vətəndaşı, Murmansk vilayətində yaşayan, əslən Zaqatala rayonu Mamrux kəndindən olan 1968-ci il təvəllüdlü Akif Muradəli oğlu Qurbanov ehtiyatsızlıqdan maye qaz daşıyan yük maşınının təkəri altında qalıb.
Hadisə zamanı ağır xəsarətlər alan A.Qurbanov Zaqatala Rayon Mərkəzi Xəstəxanasına (RMX) aparılarkən yolda dünyasını dəyişib. A.Qurbanovun meyiti müayinə olunmaq üçün Məhkəmə Tibbi Ekspertiza və Patoloji Anatomiya Birliyinin Zaqatala Rayon Şöbəsinə təhvil verilib.
Faktla bağlı araşdırma aparılır.
DOĞRU.AZ
