image-2000x150px
image-123
image-ads_atlas
image-mehkemebackend

Səkkiz il əvvəl ləğv edilən bankın milyonlarla manatlıq əmlakı yenidən hərraca çıxarılır

image-728x90px

Fevralın 21-də “Bakı Hərrac Mərkəzi” MMC-də ləğv prosesində olan “Texnika Bank” ASC-nin daşınmaz əmlaklarının satışı üzrə açıq hərraclar keçiriləcək.

Bu barədə Bankın ləğvedicisi – Əmanətlərin Sığortalanması Fondu (ƏSF) məlumat yayıb.

Söhbət “Texnika Bank”a məxsus Bakı şəhəri, Xətai rayonu, Babək prospekti, 12A ünvanındakı dəyəri 394 min manat olan 187,8 kvadratmetrlik, dəyəri 255 min manat olan 115,9 kvadratmetrlik, dəyəri 397 min manat olan 188,9 kvadratmetrlik, dəyəri 258 min manat olan 117,4 kvadratmetrlik, hər birinin dəyəri 389 min manat olan 2 ədəd 185,4 kvadratmetrlik, hər birinin dəyəri 322 min manat olan 4 ədəd 153,2 kvadratmetrlik, hər birinin dəyəri 245 min manat olan 8 ədəd 111,5 kvadratmetrlik qeyri-yaşayış sahəsindən gedir.

Beləliklə, hərraca çıxarılacaq əmlakların ümumi dəyəri 5,33 milyon manat təşkil edir.

Qeyd edək ki, Azərbaycan Mərkəzi Bankının (AMB) İdarə Heyətinin 1 fevral 2016-cı il tarixli qərarı ilə “Texnika Bank” ASC-nin bank fəaliyyətinə verilən lisenziyası ləğv edilib.

DOĞRU.AZ

image-nerjbanner

  • whatsapp
  • messenger
  • telegram
  • vkontakte
  • odnoklassniki