İranın yeni SEPAH komandiri Məhəmməd Pakpur İsrail ordusunun İslam Respublikasına qarşı hərbi əməliyyata başlamasından sonra İsrail üçün “cəhənnəmin qapılarını açacağına” söz verib.
Fars onun sözlərindən sitat gətirir : “Cəhənnəmin qapıları tezliklə bu körpə öldürmə rejimi üçün açılacaq”.
Pakpur vəziyyətin gərginləşməsinə görə “komandirlər, elm adamları və qan tökən insanların” qisasını alacağına söz verib.
İyunun 13-nə keçən gecə İsrail Silahlı Qüvvələri İran ərazisinə zərbələr endirib. Müxtəlif hərbi obyektlər, o cümlədən Natanzdakı nüvə sənayesi obyekti zədələnib.
Son məlumata görə, ən azı altı iranlı nüvə alimi İDF-nin zərbələrinin qurbanı olub. Reuters yazır ki, İranın 20-yə yaxın yüksək rütbəli komandiri öldürülüb. Həlak olanlar arasında İran Silahlı Qüvvələrinin Baş Qərargah rəisi Məhəmməd Baqiri , İran İslam İnqilabı Keşikçiləri Korpusunun komandiri Hüseyn Səlami və SEPAH Aerokosmik Qüvvələrinin baş komandanı Əli Hacızadə də var.
İsrailin müdafiə naziri İsrael Katzın sözlərinə görə, ordu İrana qarşı “ önləyici zərbə ” endirmək qərarına gəlib. İran prezidenti Məsud Pezeşkian respublikanın silahlı qüvvələrinin zərbəyə cavab verəcəyini vəd edib.
DOĞRU.AZ
