Azərbaycanla Tacikistan arasında hüquq-mühafizə orqanları xətti ilə cinayətkarlığa qarşı əməkdaşlıq uğurla davam etdirilir.
Doğru.az xəbər verir ki, Baş Prokurorluğun mətbuat xidmətindən bildirilib ki, dələduzluqda təqsirli bilinərək dövlətlərarası axtarışa verilmiş, 13 yanvar 1992-ci il təvəllüdlü Tacikistan vətəndaşı Mukhammadnido Nazarmukhammadzodanın verilməsi ilə bağlı həmin ölkənin Baş Prokurorluğunun vəsatəti təmin olunub.
Məlumata görə, Mukhammadnido Nazarmukhammadzoda 2025-ci ildə Azərbaycan ərazisində müəyyən edilərək saxlanılıb və barəsində həbs qətimkan tədbiri seçilib.
“Mülki, ailə və cinayət işləri üzrə hüquqi yardım və hüquqi münasibətlər haqqında” 7 oktyabr 2002-ci il tarixli Konvensiyaya əsasən, onun ekstradisiyası barədə qərar qəbul olunub. Təqsirləndirilən şəxs Ədliyyə Nazirliyinin Penitensiar Xidmətinin xüsusi konvoyunun müşayiəti ilə Tacikistanın səlahiyyətli orqanlarına təhvil verilib.
DOĞRU.AZ
