ABŞ prezidenti Donald Tramp Amerika qoşunlarının Nigeriyanın şimal-qərbində İŞİD* terror qruplaşmasının mövqelərinə zərbə endirdiyini bildirib.
Doğru.az xəbər verir ki, Tramp bu barədə özünün Truth Social sosial şəbəkə hesabında paylaşım edib.
ABŞ lideri qeyd edib ki, hücum onun Ali Baş Komandan kimi verdiyi göstəriş əsasında həyata keçirilib. Tramp paylaşımında Nigeriyada uzun müddətdir davam edən və əsasən günahsız xristianların qətli ilə nəticələnən vəhşi hücumlara diqqət çəkib, bu zorakılığın misli görünməmiş miqyas aldığını vurğulayıb.
O, bundan əvvəl də Suriyada Palmira şəhəri yaxınlığında ABŞ əsgərlərinin ölümündə əli olan terrorçulara qarşı uğurlu və genişmiqyaslı zərbə endirildiyini açıqlamışdı. Xatırladaq ki, dekabrın 13-də Suriyanın mərkəzində yerləşən Palmira yaxınlığında Amerika və Suriya hərbçilərinə hücum edildiyi bildirilmişdi.
DOĞRU.AZ
