ABŞ prezidenti vəzifəsinin icrasına başlayan Donald Tramp inauqurasiya nitqində məqsədi ölkənin düşmənlərini məğlub etmək olacaq ən güclü Amerika ordusunun yaradılmasına söz verib.
“2017-ci ildə olduğu kimi, biz yenidən dünyanın indiyə qədər gördüyü ən güclü ordunu yaradacağıq”, – Amerika lideri vurğulayıb.
Onun fikrincə, uğur döyüşlərdəki qələbələrlə deyil, daha çox “ABŞ-ın girmək məcburiyyətində qalmadığı” müharibələrin başa çatması ilə ölçüləcək.
“Bizim ordumuz yeganə missiyasına diqqəti yönəltməkdə azad olacaq: Amerikanın düşmənlərini məğlub etmək”, – deyə Tramp yekunlaşdırıb.
Eyni zamanda o, Birləşmiş Ştatların prezidenti kimi sülhməramlı olmağa çalışacağını da əlavə edib.
DOĞRU.AZ
