Ukraynada dollar 38 qrivnaya kimi bahalaşıb.
Bu barədə Ukraynanın “Strana.ua” nəşri məlumat yayıb.
Nəşrin məlumatına görə, Ukrayna valyuta bazarında devalvasiya müşahidə olunur.
“Bloomberg-də (əsas platforma) ticarət zamanı qrivna/dollar məzənnəsi bir dollar üçün 37,85 qrivnadan 38,065 qrivnaya yüksəlib”, – mesajda deyilir.
Maliyyə analitiki Andrey Şevçişinin fikrincə, qrivnanın devalvasiyası Ukrayna hökuməti tərəfindən stimullaşdırılır. Beləliklə, Kiyev Qərb tərəfdaşlarının yardımının azalması fonunda maliyyə problemlərinin öhdəsindən gəlməyə çalışır.
Həmçinin, mümkün səfərbərlik müzakirələri fonunda qrivnanın məzənnəsinə ukraynalıların hissləri də təsir edir.
