Məşhur ukraynalı MMA döyüşçüsü Yeqor Birkun ölkəsində davam edən müharibədə həlak olub. O, Mariupol şəhərinin müdafiəsi zamanı öldürülüb.
Doğru.Az xəbər verir ki, bu haqda Ukrayna Qarışıq Döyüş Sənəti Federasiyasının rəsmi “Facebook” səhifəsində paylaşım edilib.
Birkun dünən “Azov” alayının tərkibində Mariupolun müdafiəsi zamanı döyüş tapşırığını yerinə yetirdiyi vaxt həlak olub. Əslində, o, dünən Ukrayna millisinin heyətində dünya çempionatında çıxış etməli idi. Lakin Rusiyanın hərbi müdaxiləsi ilə əlaqədar planlar alt-üst olub.
DOĞRU.AZ
