“Xaçmazda itkin düşən iki qardaşın tapılması üzrə axtarışlar davam edir”.
Bununla bağlı Daxili İşlər Nazirliyinin Mətbuat Xidmətinin Quba regional qrupu məlumat yayıb.
Bildirilib ki, məsələ ilə bağlı yayılan məlumatlar əsassızdır:
“Hazırda onların tapılması istiqamətində axtarışlar davam etdirilir”.
13:57
Xaçmaz şəhərində məktəbdən çıxaraq itkin düşən 2 qardaş tapılıb.
Bunu açıqlamasında məktəblilərin atası Tural Muradov bildirib.
“Övladlarım Nicat və Kənan aprelin 22-də günorta saatlarında internet vasitəsi ilə əlaqə saxlayaraq Xaçmaz şəhərinin mərkəzində olduqlarını bildirdilər”, – o söyləyib.
11:08
Xaçmazda iki qardaş itkin düşüb.
İlkin məlumata görə, qardaşlar aprelin 19-da məktəbdən çıxıb və evə getməyiblər.
Məsələ ilə bağlı Daxili İşlər Nazirliyinin Mətbuat Xidmətinin Quba regional qrupundan Oxu.Az-ın sorğusuna cavab olaraq bildirilib ki, itkin düşən iki qardaş barədə Xaçmaz Rayon Polis Şöbəsinə məlumat verilib:
“Xaçmaz rayon sakinləri 16 yaşlı Nicat Muradov və qardaşı 13 yaşlı Kənan aprelin 20-də təhsil aldıqları Xaçmaz rayon 9 saylı tam orta məktəbdən çıxdıqdan sonra onları görən olmayıb. Eləcə də yaşadıqları evə bir daha geri qayıtmayıblar. Şəkildəki şəxsləri görənlərdən və barələrində məlumatı olanlardan DİN-in “102” xidmətinə, həmçinin Xaçmaz Rayon Polis Şöbəsinin (2332) 5 53 56 şəhər nömrəsinə zəng edərək məlumat vermələri xahiş olunur”.
