Əmək və Əhalinin Sosial Müdafiəsi Nazirliyinin tabeliyində fəaliyyət göstərən Dövlət Məşğulluq Agentliyinin Qarabağ Regional Məşğulluq filialı Xankəndidə əmək yarmarkası təşkil edəcək.
Doğru.az xəbər verir ki, yarmarka iyunun 4-də saat 11:00-da filialın Xankəndi şəhər xidmət şöbəsinin inzibati binasında (Abbasqulu Ağa Bakıxanov küçəsi, 47) baş tutacaq.
Tədbir “Qoç ət” Kəndli Fermer Təsərrüfatı” MMC-nin dəstəyi ilə keçiriləcək. Yarmarkada Xocalı rayonu üzrə müəssisəyə aid mühasib, traktorçu, baytar, təmirçi-çilingər, mexanik və digər ixtisaslar üzrə vakansiyalar təqdim olunacaq.
Aktiv məşğulluq tədbiri çərçivəsində namizədlərin vakansiyalara uyğun qeydiyyatı aparılacaq.
DOĞRU.AZ
