İyulun 21-də Xəzər dənizində Rusiya və İran arasında birgə hərbi manevrlər başlayacaq. Bu barədə İranın “Tasnim” agentliyi məlumat yayıb.
Doğru.az xəbər verir ki, üç gün davam edəcək təlimlərdə hər iki ölkənin hərbi dəniz qüvvələri, eləcə də İslam İnqilabı Keşikçiləri Korpusunun bölmələri iştirak edəcək.
Təlimlərin əsas məqsədi Xəzər sularında təhlükəsizliyi artırmaq və Rusiya ilə İran donanmaları arasında qarşılıqlı əməkdaşlığı gücləndirməkdir.
Xatırladaq ki, bundan əvvəl İran və Rusiya arasında hərtərəfli strateji tərəfdaşlıq sazişinin qüvvəyə mindiyi açıqlanmışdı.
DOĞRU.AZ
