Xorvatiyanın “Dinamo” (Zaqreb) klubu Mahir Emrelini transfer etmək üçün onun “Legiya” ilə məsələsini həll etməsini gözləyir.
Doğru.az “24sata.hr” saytına istinadən xəbər verir ki, hazırkı qeyri-müəyyənlik Zaqreb təmsilçisinin işini çətinləşdirir.
Paytaxt təmsilçisi 25 yaşlı hücumçunun keçidinə görə yüksək təzminat məbləği ödəmək istəmir. Klub rəhbərliyi hesab edir ki, “Legiya” Emreli ilə müqaviləyə xitam versə, transfer daha ucuz başa gələ bilər.
Bildirilib ki, futbolçunun Polşa klubundan ayrılması FIFA-nın səlahiyyətində deyil. Çünki tərəflər arasında müqavilə yerli arbitarajın yurisdiksiyasına uyğun razılaşdırılıb.
DOĞRU.AZ