Zəfər Gününün 5 illiyi münasibətilə Dənizkənarı Milli Parkda “Zəfər konsert”i keçirilib. Heydər Əliyev Fondu, Mədəniyyət Nazirliyi və Bakı Şəhər İcra Hakimiyyətinin təşkilatçılığı ilə reallaşan konsertdə çoxsaylı estrada ulduzları səhnəyə çıxıb.
Doğru.az xəbər verir ki, gecənin parlayan ulduzlarından biri vətənpərvər ifaları ilə tanınan Nərmin Kərimbəyova olub. Sənətçi uzun illər əvvəl ona uğur gətirən “Qələbənin yolları” nəğməsi ilə bayrama xüsusi coşqu qatıb.
Kərimbəyova gələcək yaradıcılıq illərində də yeni vətənpərvər nəğmələrini repertuarına əlavə edəcəyini bildirib. Xüsusi bayram ab-havasından zövq alan müğənni, vətənimiz üçün belə xoş günlər arzulayaraq, silsilə bayram tədbirlərində yer almağın qürurunu dilə gətirib.
DOĞRU.AZ
