Rusiyanın Ukraynaya qarşı davam edən müharibəsi ilə əlaqədar Prezident Volodimir Zelenski xüsusilə, ixrac və idxalı tamamilə boykot etməklə, beynəlxalq tərəfdaşlarını yeni sanksiyalar paketi tətbiq etməyə çağırıb.
“İşğal davam edərsə və Rusiya Ukraynaya qarşı planlarından əl çəkməzsə, yeni sanksiyalar paketinə, yeni qadağalara, sülh naminə müharibəyə qarşı yeni addımlara ehtiyac var; Rusiya ixracatının boykot edilməsi, xüsusən də Rusiya nefti və neft məhsullarının rədd edilməsi. Rusiyaya idxalı boykot edin, sivil qaydalara riayət etmək istəmirlərsə, onda onlar sivilizasiyadan məhsul və xidmət almamalıdırlar, qoy müharibə onları qidalandırsın”, – deyə Zelenski bildirib.
Mənbə: RBC-Ukrayna
