ABŞ lideri Donald Trampın administrasiyası 800 dollara qədər olan Çin malları üçün rüsumsuz qaydanı ləğv edib.
Bu barədə New York Times məlumat yayıb.
Jurnalistlərin qeyd etdiyi kimi, ABŞ-da dəyəri 800 dollara qədər olan malların Birləşmiş Ştatlarda birbaşa istehlakçılara və ya kiçik bizneslərə göndərildiyi təqdirdə rüsumdan yayınmağa imkan verən de minimis qaydası var.
Tramp Çindən gələn mallara rüsum tətbiq etdikdən sonra bəzi şirkətlər bu boşluqdan istifadə etdilər.
“Cümə günü Tramp administrasiyası amerikalı alıcılara tariflər ödəmədən Çindən ucuz mallar almağa imkan verən boşluğu rəsmi olaraq bağladı”, – nəşr qeyd edib .
Jurnalistlərin fikrincə, dəyişikliklər materik Çin və Honq Konqdan gələn mallara təsir edəcək. Tədbirlər digər ölkələr vasitəsilə tədarük edilən mallara da şamil olunacaq.
DOĞRU.AZ
