Bu ilin iyul ayında ABŞ müasir tarixdə ilk dəfə Rusiyadan ev toyuqları yumurtası alıb.
Report-un məlumatına görə, Amerika statistika xidmətinin rəqəmləri satınalmanın baş verdiyini təsdiqləyir. Satınalmanın ümumi məbləği 455 min dollar təşkil edib. ABŞ-a ən böyük yumurta tədarükçüləri Səudiyyə Ərəbistanı, Braziliya, Meksika və Hindistan olub.
Agro and Food Communications şirkətinin idarəedici partnyoru İlya Bereznyuk bildirib ki, Rusiyada toyuq yumurtası dünyada ən münasib qiymətədir.
Xatırladaq ki, mart ayında ABŞ idxal üçün yumurta tapmaqda çətinlik çəkirdi, fevral ayında isə ölkədə yumurta qiymətləri illik müqayisədə 59% artmışdı.
DOĞRU.AZ
