ABŞ-ın Krakovdakı baş konsulu Erin Nikerson RMF24 radiostansiyasına bildirib ki, ABŞ Xüsusi Əməliyyat Qüvvələrinin Krakov-Balise Beynəlxalq Hava Limanı yaxınlığındakı Miron Düşərgəsi bazası mayın 17-də açılıb.
“Miron düşərgəsi Amerika Xüsusi Əməliyyat Qüvvələri üçün rotasiya bazasıdır. Bu, Polşa və Amerika xüsusi təyinatlıları arasında daimi qarşılıqlı əlaqə deməkdir”, – o bildirib.
Nikerson 100-dən 150-dək amerikalı hərbçinin növbəli şəkildə bazada daimi yerləşəcəyini açıqlayıb.
Miron Düşərgəsi ABŞ Xüsusi Qüvvələrinin Avropadakı ən şərqindəki bazası oldu.