Cenevrədəki danışıqlardan sonra ABŞ və Çin ticarət kəsirinin azaldılması ilə bağlı razılığa gəliblər.
Bu barədə Amerika nümayəndə heyətindəki mənbələrə istinadən Reuters agentliyi məlumat yayıb.
“ABŞ-ın Ticarət Nümayəndəsi Jamison Greer… danışıqların nəticəsini ABŞ-ın 1,2 trilyon dollarlıq ticarət kəsirinin azaldılmasına kömək edəcək “Çinli tərəfdaşlarımızla əldə edilmiş razılaşma” kimi xarakterizə edib”, – məqalədə qeyd edilir.
Amerika nümayəndə heyətinə ABŞ-ın maliyyə naziri Skott Bessent daxil idi. O, jurnalistlərə bildirib ki, sazişin təfərrüatları bazar ertəsi, mayın 12-də açıqlanacaq. Onun sözlərinə görə, Amerika lideri Donald Tramp “məhsuldar danışıqların” nəticələrindən tam xəbərdardır.
Bundan əvvəl ABŞ prezidenti Çinlə ədalətli ticarət razılaşmasının əldə olunmasının mümkünlüyünü açıqlamışdı.
DOĞRU.AZ
