image-2000x150px
image-afc0aba0-17e9-4765-8af6-32ee9bfdaf4dbackend

“ASAN xidmət indeksi” modeli BMT tərəfindən yüksək qiymətəndirilib

image-728x90px

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin nümayəndə heyəti ilə BMT-nin İqtisadi və Sosial Məsələlər üzrə Departamentinin nümayəndə heyəti arasında onlayn formada görüş baş tutub.

Dövlət Agentliyinin Beynəlxalq əlaqələr şöbəsinin müdiri Dövlət Agentliyinin fəaliyyəti və həyata keçirilən ən son layihələr barədə ətraflı məlumat verib. Qeyd olunub ki, şəffaflığın artırılması və müasir innovasiyaların tətbiqi baxımından “ASAN xidmət”in yaradılması ilə səmərəli dövlət idarəçiliyinin təmin edilməsi sahəsində ciddi nailiyyətlər əldə olunub.

Görüş çərçivəsində “ASAN xidmət indeks”i barədə geniş təqdimat edilib və ötən illər ərzində bu istiqamətdə görülən işlər diqqətə çatdırılıb. Layihə BMT tərəfinin xüsusi marağına səbəb olub və “ASAN xidmət indeksi” ilə əlaqədar geniş təqdimat BMT-nin dövlət idarəçiliyi saytında yerləşdirilib.

Bu istiqamətdə BMT-nin İqtisadi və Sosial Məsələlər üzrə Departamentinin ictimai institutlar və elektron hökumət bölməsinin rəhbəri Dövlət Agentliyinin əldə etdiyi nailiyyətlər haqqında müsbət təəssüratını bölüşüb və aidiyyəti sahələr üzrə birgə layihələrin davam etdirilməsinin vacibliyini vurğulayıb. O, Dövlət Agentliyinin 2015-ci ildə Birləşmiş Millətlər Təşkilatının Dövlət Xidmətləri Mükafatına, 2019-cu ildə isə BMT-nin rəqəmsal idarəetmənin tətbiqi ilə dövlət xidmətlərinin inkişafı sahəsində xüsusi mükafatına layiq görülməsini məmnuniyyətlə vurğulayaraq ötən dövr ərzində müvafiq sahələr üzrə Dövlət Agentliyi tərəfindən mühüm əməli fəaliyyətin həyata keçirildiyini bildirib.

Görüş çərçivəsində tərəflər arasında gələcək əməkdaşlıqla bağlı yol xəritəsinin hazırlanması ilə bağlı razılıq əldə olunub.

image-728x90px

  • whatsapp
  • messenger
  • telegram
  • vkontakte
  • odnoklassniki