Rusiyanın bir sıra avtomobil istehsalçıları, o cümlədən AvtoVAZ və KamAZ Efiopiyada avtomobil istehsalına başlamaq imkanlarını araşdırır.
“İzvestiya” qəzeti xəbər verir ki, bu barədə ölkənin Moskvadakı səfiri Çam Uqala Uryat danışıb.
“Bəzi rus avtomobil istehsalçıları avtomobillərin Efiopiyada yığılması imkanlarını nəzərdən keçirirlər. “KAMAZ” və “VAZ” artıq Efiopiyada montaj xətlərinin tikintisinə maraq göstərən avtomobil şirkətləri sırasındadır”, – səfir bildirib.
Bununla belə, Efiopiya nümayəndəsinin sözlərinə görə, layihənin icra mərhələsinə çatmış bir şirkət yoxdur.
Mənbə: Lenta.ru
