“Avroviziya 2026” mahnı müsabiqəsinin yarımfinalının püşkatma mərasimi keçirilib.
Doğru.az xəbər verir ki, Vyanada təşkil olunacaq yarışmada Azərbaycan ikinci yarımfinalın birinci hissəsində səhnəyə çıxacaq. İkinci yarımfinal mayın 14-də keçiriləcək.
Azərbaycanla birlikdə həmin gün səhnəyə Bolqarıstan, Çexiya, Lüksemburq, Rumıniya, İsveçrə, Albaniya, Avstraliya, Kipr, Danimarka, Latviya, Malta, Norveç, Ukrayna və Ermənistan təmsilçiləri çıxacaq.
Birinci yarımfinal isə mayın 12-də baş tutacaq və orada Xorvatiya, Finlandiya, Gürcüstan, Yunanıstan, Portuqaliya, Moldova, İsveç, Belçika, Estoniya, İsrail, Litva, Monteneqro, Polşa, San-Marino və Serbiya iştirak edəcək. Final mayın 16-da keçiriləcək.
Qeyd edək ki, ötən il müsabiqədə Avstriya təmsilçisi Yohannes Piç (“JJ”) “Wasted Love” mahnısı ilə 436 balla birinci olub.
Mənbə: Axşam.az
