Azərbaycan Avtomobil Yolları Dövlət Agentliyi Bakının Nərimanov rayonunun Fətəli xan Xoyski prospektində təmiri yekunlaşdırıb.
Məlumata görə, ümumilikdə təmir işləri 45 min kvadratmetrdən çox sahədə aparılıb. Nəticədə ərazidə köhnə asfalt-beton örtüyünün üst qatı frezlənərək kənara daşınıb, ardınca əlaqələndirici bitum səpilməklə yeni asfalt-beton örtüyü döşənib.
Sonda yolgöstərici və yolcizgi xətlərinin, həmçinin piyada zolaqlarının çəkilişi işləri aparılıb.
2022-ci ildə Nərimanov rayonu üzrə təmir olunan küçələrin ümumi uzunluğu 7,6 kilometr təşkil edir.
Ötən il rayon üzrə ümumi uzunluğu 11 kilometrdən çox olan 15-dən artıq küçə təmir olunub.