Baş Prokurorluğun Cinayət təqibindən kənar icraatlar idarəsinin rəisi Elnur Musayev Qarabağ Universitetində hüquqşünaslıq ixtisası üzrə təhsil alan tələbələrlə görüşüb. Görüş zamanı o, “Cinayət məsuliyyətindən və cəzadan azad etmə” mövzusunda ustad dərsi keçib.
Universitetdən Doğru.az-a verilən məlumata görə, tədbir tələbələrin nəzəri biliklərini praktiki təcrübə ilə zənginləşdirmək məqsədi daşıyıb və iştirakçılar tərəfindən maraqla qarşılanıb.
Bu görüş Qarabağ Universiteti ilə Baş Prokurorluğun Elm-Tədris Mərkəzi arasında imzalanmış əməkdaşlıq memorandumu çərçivəsində təşkil olunub. Tərəflər belə maarifləndirici tədbirlərin davamlı olacağını bildiriblər.
Qeyd edək ki, Qarabağ Universiteti həm də Baş Prokurorluğun təşəbbüsü ilə icra olunan “ECOLEAD” layihəsinin tərəfdaşıdır.
DOĞRU.AZ
